《今日見媽咪後感》
一見面，佢就話：乜唔係父親節先食飯咩？
即係，從母親節嗰日开始佢就等緊father’s day.
一坐低，佢又話：我哋好耐冇飲茶囉！
即係，佢好想多啲同我哋飲茶。
席間，佢問我：你有冇嘢做？
我話：7月开劇，做醫生。
佢即時露出笑容，即係，我依然係佢嘅牽掛。
然後，因為要交番張枱，覺得意猶未盡，我哋搬竇去飲咖啡，阿哥家姐講起投資，我問媽咪：佢哋講啲嘢咁深，不如我同你出去(shopping mall)行下，佢話：唔駛，又唔係成日聽。
即係，佢其實好寂寞⋯⋯
跟住，我同佢玩抖音，佢覺得好新奇，佢應該唔明啲apps係乜，點解佢有个古裝頭，但係兩母女笑個不停。
即係，开心，或者，氹佢开心，其實好易。
最過癮係，佢之後教我將啲頭髮放埋一邊，佢話見到啲女仔都係咁放(相入面呢個look), 仲話依家未夠長，要留多兩三吋。
佢後生好窮，又掛住揾食，到依家90歲，想扮靚都扮唔到。
所以，呢個「我阿媽認為後生女梳嘅頭」，必須影低佢，晒張相比佢，或者可以补償下佢後生失去嘅嘢 (雖然我都50+1)。
我哋成日講珍惜身邊嘅人，我希望我可以再做多啲......再做好啲........❤️
Search